Yeni mövsümə Qəbələ səfərində qələbə ilə başlayan "Sumqayıt" transfer çalışmalarını da davam etdirir. Matc.az saytının məlumatına görə, "gənclik şəhəri" təmsilçisi heyətini daha bir yerli futbolçu ilə gücləndirməyə hazırlaşır.

Belə ki, "Fənərbaxça"nın yetirməsi olan İlqar Qurbanov karyerasını "Sumqayıt"da davam etdirməyə çox yaxındı. Yay fasiləsində "Qəbələ"dən ayrılan 33 yaşlı cinah müdafiəçisi ilə danışıqlar müsbət yöndə davam edir. çox güman ki, milli komandamızın sabiq üzvü bu həftə ərzində yeni komandası ilə münasibətləri rəsmiləşdirəcək.

Qeyd edək ki, "Sumqayıt" yay fasiləsində hələlik Vüqar Mustafayev, Amil Yunanov, Sərtan Taşqın, Elgün Nəbiyev və Mehdi Şərifini heyətinə cəlb edib.

XƏBƏRİ PAYLAŞ
  • gplus
  • pinterest