Azərbaycan millisinin və "Neftçi"nin futbolçusu Emin Mahmudov Rusiyanın "sport-ekspress" nəşrinə müsahibə verib. Matç.az saytı həmin müsahibəni ixtisarla təqdim edir.

- Sizə böyük futbola vəsiqə verən "Saturn" sizinlə tam hesablaşa bilmədi?
- Bəli. Klub müflis olduğu üçün hamıya maaşlarda borclu qaldı. Əvəzedici heyətin oyunçusu olduğum üçün məndə bu məbləğ əsas komanda üzvləri ilə müqayisədə az idi. Bunu heç xatırlamıram da. çünki "Saturn" mənə çox şey verib. Bu, xatırlanası məbləğ də deyil.

- Söhbət hansı məbləğdən gedir?
- Bu haqda danışmayaq. Məbləği açıqlamayacam.

- "Saturn"dakı durumu nəzərə alıb, dərhal "Spartak" barədə xəyal edirdiz?
- O vaxt klubun dağılacağını düşünmürdüm. Sonadək inanırdım ki, "Saturn" yaşayacaq. Hər şey rəsmiləşəndən sonra müxtəlif təkliflər aldım və "Spartak"ı seçdim.

- üstündən xeyli müddət keçib. İndi digər təklifləri açıqlaya bilərsiz?
- "Dinamo" və "Lokomotiv". Premyer Liqanın bir neçə kiçik klubu da var idi.

- "Spartak"la dərhal razılaşdız?
- Yox. Danışıqlar apardıq, bir neçə görüş oldu.

- Bir neçə klubda oynadıqdan sonra Portuqaliyaya keçidə qərar vermək üçün çox düşündüz?
- Avropaya getmək istəyirdim. üstəlik, Azərbaycan yığmasında çıxış etməklə bağlı danışıqlar gedirdi. Mən Rusiyada oynayıb legioner limitinə düşmək istəmirdim. Belə ağır olardı. Bu üzdən "Boavişta"ya keçdim. özümü orda sınamaq istədim.

- Kiminləsə məsləhətləşdiz?
- Xüsusi olaraq yox. Hara keçməklə bağlı qərarları əsasən özüm verirəm.

- Portuqaliyadan hansı təəssüratlarınız qaldı?
- Daha texnikalı futbol gözləyirdim. Amma daha çox mübarizə gördüm. Orda "tiki-taka" oynamırlar. Kiçik komandalar "vur-qabağa" prinsipinə üstünlük verir. Portuqaliyada klub tapmaq daha asandı. Orda maaşlar da Rusiyadan azdı. Ona görə də çempionatı çox sayda futbolçu tərk edir.

- Portuqaliyada oyun planında nəyə məyus oldunuz?
- Oynamaq üçün nə etməli olduğumu başa düşmürdüm. Bir oyunda meydana çıxdım. Uzun müddət şansımı gözlədim, qol vurdum, oyunun ən yaxşısı seçildim. Həmin görüşdə də qalib gəldik. Sonra üç matç oynamadım. Məşqçinin baxışları fərqli idi. Amma mənə oynamaq lazım idi. Başa düşdüm ki, orda iş futbolda deyil. Yəqin nə isə başqa şeylər var idi. Mən gedəndən bir neçə tur sonra məşqçini də çıxardılar.

- Peşman deyilsiz?
- Yox. Şansımı çox gözlədim. Ondan istifadə etdim, amma yenə ehtiyatda qaldım. Bu üzdən getməyə qərar verdim.

- Belə çıxır ki, "Neftçi"yə keçmək üçün çox düşünmədiz?
- Bəli, çox düşünmədim. "Neftçi" variantı çıxan kimi dərhal getdim və razılaşdım. özü də mən gedəndə komandanın ağır dövrü idi. Kömək etmək istədim. Demək olar ki, mən komandaya, komanda da mənə kömək oldu.

- "Neftçi"də çoxdan oynamasanız da, artıq kapitan sarğısını daşıyırsız...
- ötən il kubokda da kapitan kimi meydana çıxmışdım. Mənə yaxşı yanaşıb, hörmət edirlər. Amma mən vitse-kapitanam. Bizim kapitan Ruslan Abışov zədələnib və ona görə çempionatın əvvəlindən kapitan sarğısı ilə meydana çıxıram. Fəxr edirəm ki, Azərbaycanın belə böyük komandasının kapitanı adını mənə etibar ediblər. Etimadı doğrultmağa çalışıram.

- Yayda Rusiyadan təkliflər almışdız?
- Heç bir təklif gəlməyib. Yalnız birinci dəstədən olubsa, ona da heç baxmamışam. çünki biz "Neftçi" ilə Avropa Liqasına hazırlaşırdıq. Mən çoxdan bu turnirdə oynamaq istəyirdim.

- Cari mövsümün 7 oyununda bütün karyeranız ərzində vurduğunuzdan çox – 3 qola sevinməyinizi nə ilə izah edərdiz?
- "Spartak"da sırf dayaq yarımmüdafiəçisi kimi oynayırdım. İndi daha hücumameylli kimi əsasən ön xətdə oynayıram. Bu mövsüm bir oyunda o qədər qol epizodum yarandı ki, bütün karyeram ərzində bu qədər olmamışdı. Hətta üç qol vura bilərdim. "Spartak"da heç bir qol epizodumun da olduğunu xatırlamıram. Yalnız oyunsonrası penaltilər seriyasında qol vurmuşdum.

- Rusiya çempionatını izləyirsizmi?
-  Xeyr, ümumilikdə baxmıram. İndi uşaqlar... Düzünü desəm, mən heç Azərbaycan çempionatına baxmıram (gülür). Belə alınır ki, İngiltərə, İspaniya çempionatları və çempionlar Liqasına baxıram. Əvvəllər isə bir oyun da buraxmazdım. Bir az da "Yuventus"u izləyirəm. Amma onların İtaliyada hər şeyi asanlıqla əldə edir.

- Uzun müddət Rusiya və Azərbaycan millilərindən hansında çıxış etməyi müəyyənləşdirə bilmirdiz. Seçiminizə nə səbəb oldu?
- Avropaya getməyə qərar verdim. Hələ buna qədər Azərbaycan yığmasında oynaya bilərdim. Amma limitə düşməmək üçün imtina edirdim. Razılaşa bilərdim. Amma Rusiyada oynamaq xeyli çətin olacaqdı. Buna görə də Avropaya gedən kimi təklifi qəbul etdim.

- Azərbaycan millisində Robert Prosineçkinin rəhbərliyi altında debüt etdiz. Onunla çalışmaqdan hansı təəssüratlarımız qalıb?
- O, sanki bir az arxayın idi. Həmişə gərginlik olmadan çalışırdı. Bütün məşqlər yalnız futboldan ibarət idi. Nə isə spesifik bir şey olmurdu. Sadəcə, komanda oynayırdı.

- Yığmada vurulan ilk qol hansı hisslərə səbəb oldu?
- Yoxlama oyunu idi deyə, emosiyalar o qədər çox deyildi. Lakin əlbəttə ki, yığmada qol vurmaq çox xoşdu.

- Qarşıda Millətlər Liqasının iki oyunu var. Bu turnirə münasibətiniz necədi?
- Pis yanaşmıram. Azərbaycan kimi yığmalar üçün bu turnir Avropa çempionatına düşmək üçün şansdı. Bizə ağır olacaq. Kosovonun yaxşı yığması var. Şansımız var, hər iki oyunda qələbə qazanmalıyıq.

- Final mərhələsinin 4 matçının Bakıda keçirilməsi motivasiyanızı artırırmı?
- Əgər Bakı AVRO-2020-ni qəbul etməsəydi, belə yarışa düşmək istəyimiz olacaqdı (gülür).

- Şəhərin AVRO-2020-yə hazırlaşdığı hiss olunur?
- Yox, hiss olunmur. Bakı orada turnirin olub-olmamasına baxmayaraq daim tikilir. 10 il əvvəlki ilə müqayisədə bu tam başqa şəhərdi.

 

XƏBƏRİ PAYLAŞ
  • gplus
  • pinterest