Bu gün milli komandaların FİFA reytinqi açıqlanıb. Matc.az saytı xəbər verir ki, siyahıda dəyişikliklər qeydə alınıb.

211 yığmanın yer aldığı cədvəldə Azərbaycan millisi yerində qalıb. Nikola Yurçeviçin yetirmələri AVRO-2020-nin seçmə mərhələsi çərçivəsində Uelsə məğlub olub (1:2), Xorvatiya ilə isə bərabərə qalıb (1:1). İki ay əvvəl açıqlanan reytinqdə olduğu kimi, yenə 109-cu pillədə qərarlaşan komandamız aktivinə əlavə 3 xal yazdırıb.

 

Millimiz və "qonşuları"

107 (104). Niger - 1201

107 (107). Keniya – 1201

109 (108). Farer adaları - 1191

109 (109). Azərbaycan – 1191

111 (111). Mərkəzi Afrika Respublikası – 1184

112 (116). Mozambik - 1181

113 (118). Koreya DR - 1176

 

Yığmamızın AVRO-2020-nin seçmə mərhələsindəki rəqibləri yerlərini dəyişib. Xorvatiya və Macarıstan geriləyibsə, Uelslə Slovakiya irəliləyişə nail olub.

Millimizin rəqibləri

8 (7). Xorvatiya – 1625

23 (24). Uels - 1522

29 (31). Slovakiya - 1493

50 (45). Macarıstan - 1430

 

Dünyanın ən güclü 10 komandasının siyahısında da yerdəyişmələr olub. Düzdü, ilk "10-luq"da yeni ad yoxdu. Ancaq burda komandalar arasında mövqe dəyişiklikləri olub. Belçika liderliyini qoruyubsa, Fransa ikinci pilləni yenidən Braziliyadan alıb.

İlk "onluq"

1 (1). Belçika – 1752

2 (3). Fransa – 1725

3 (2). Braziliya – 1719

4 (4). İngiltərə - 1662

5 (6). Portuqaliya – 1643

6 (5). Uruqvay – 1639

7 (9). İspaniya – 1631

8 (7). Xorvatiya – 1625

9 (8). Kolumbiya - 1622

10 (10). Argentina – 1614

 

Qeyd edək ki, qonşu Türkiyə millisi 1475 xalla siyahıda 1 pillə irəliləyərək, 36-cı yerdə qərarlaşıb.

XƏBƏRİ PAYLAŞ
  • gplus
  • pinterest