Fransa millisi yarımmüdafiəçisi Nqolo Kanteni itirib. Matc.az saytının xarici mətbuata istinadən məlumatına görə, "çelsi"nin dayaq yarımmüdafiəçisi yığmanın düşərgəsində zədələnib.
Belə ki, ulduz futbolçu AVRO-2020-nin seçmə mərhələsində İslandiya ilə dünənki qarşılaşma öncəsi məşq zamanı xəsarət alıb. Bu üzdən komandasının 1:0 hesablı qələbə qazandığı qarşılaşmanı buraxan Kantenin növbəti matçda iştirakı sual altındadı. Həkim müayinəsindən sonra zədənin ciddiliyi üzə çıxarsa, 28 yaşlı oyunçu Türkiyə ilə görüşü buraxacaq.
Qeyd edək ki, Fransa - Türkiyə matçı oktyabrın 14-də keçiriləcək.