27 Oktyabr 2019, 21:51

Futbol üzrə Lüksemburq çempionatında 10-cu turun oyunları keçirilib. Matc.az xəbər verir ki, Avropa Liqasının qrup mərhələsində Azərbaycan çempionu "Qarabağ"ın rəqibi olan "Düdelanj" da növbəti matçına çıxıb.
 
Sözügedən klub doğma meydanda "Mondorf"la qarşılaşıb. Ağdam klubunun rəqibi bu görüşdən qələbə ilə ayrılıb – 3:1.
 
10 oyuna 13 xal toplayan "Düdelanj" hazırda 14 kollektiv arasında 7-ci pillədə qərarlaşıb.
 
Lüksemburq təmsilçisi ilə "Qarabağ" arasındakı ilk oyun oktyabrın 3-də bu ölkədə baş tutub və Ağdam klubunun 4:1 hesablı qələbəsiylə başa çatıb. Bu komandalar arasındakı cavab görüşü isə dekabrın 12-də Bakıda keçiriləcək.

XƏBƏRİ PAYLAŞ
  • gplus
  • pinterest