"A liqasında qalmaq istəməyimiz aydın məsələdi. Lakin artıq hər şey bizdən asılı deyil. Buna görə də Millətlər Liqası deyil, daha irəli baxırıq. Bizim hədəfimiz AVRO-2020-di". Matç.az saytı xəbər verir ki, bunu Almaniya millisinin baş məşqçisi Yoahim Löv deyib.

O bildirib ki, 2018-ci ildə uğursuz çıxışları ilə diqqət çəkən Bundestimi ciddi islahatlar gözləyir: "Avropa çempionatında güclü komandaya malik olmaq istəyirik. Əminəm ki, həmin vaxtadək millidə miqyaslı dəyişikliklər olacaq. Lakin bütün bunlar tələsik deyil, planlı şəkildə gerçəkləşəcək. Hazırda heyətdə olanların heç də hamısı AVRO-2020-yə qədər qalmayacaq".