Bu gün milli komandaların FİFA reytinqi açıqlanıb. Matc.az saytı xəbər verir ki, siyahıda dəyişikliklər qeydə alınıb.
211 yığmanın yer aldığı cədvəldə Azərbaycan millisi yenə geriləyib. Nikola Yurçeviçin yetirmələri ötən ayla müqayisədə 3 pillə geriləyərək, 114-cü yerə düşüb. Komandamızın aktivində 1177 xal var.
Millimiz hesabat dövründə AVRO-2020-nin seçmə mərhələsində Uelsə evdə, Slovakiyaya səfərdə eyni hesabla (0:2) məğlub olub.
Millimiz və "qonşuları"
110 (110). Farer adaları - 1181
111 (117). Zimbabve – 1180
112 (107). Niger - 1179
113 (109). Tailand – 1178
114 (111). Azərbaycan – 1177
115 (114). Kosovo - 1174
116 (115). Koreya DR - 1170
117 (119). Namibiya - 1160
118 (121). Qazaxıstan - 1155
Yığmamızın AVRO-2020-nin seçmə mərhələsindəki rəqibləri də yerlərini dəyişiblər. Xorvatiya və Uels irəliləyibsə, Slovakiya ilə Macarıstanda geriləmə müşahidə olunub.
Millimizin rəqibləri
6 (7). Xorvatiya – 1642
22 (24). Uels - 1540
32 (31). Slovakiya - 1490
52 (50). Macarıstan - 1416
Dünyanın ən güclü 10 komandasının siyahısında cəmi bir yerdəyişmə olub. Xorvatiya ilə Portuqaliya yerlərini dəyişiblər. Ancaq ilk "10-luq"da yeni ad yoxdu.
İlk "onluq"
1 (1). Belçika – 1765
2 (2). Fransa – 1733
3 (3). Braziliya – 1712
4 (4). İngiltərə - 1661
5 (5). Uruqvay – 1645
6 (7). Xorvatiya – 1642
7 (6). Portuqaliya – 1639
8 (8). İspaniya – 1636
9 (9). Argentina – 1623
10 (10). Kolumbiya - 1622
Qeyd edək ki, qonşu Türkiyə millisi 1494 xalla siyahıda 3 pillə irəliləyərək, 29-cu yerdə qərarlaşıb.