Avropanın "böyük beşlik" ölkələrinin 2019-20 mövsümündə ən çox assist edən futbolçularının adları müəyyənləşib. Matc.az xəbər verir ki, UEFA məhsuldar ötürmə baxımından hamını qabaqlayan oyunçuların siyahısını açıqlayıb.
Cədvəldə ən azı 7 qol ötürməsi verənlər yer alıb. Bunu isə 14 futbolçu bacarıb. İlk sırada "Mançester Siti"nin yarımmüdafiəçisi Kevin de Bruyne qərarlaşıb. Belçikalının aktivində 14 məhsuldar ötürmə var. O, 2017-18 mövsümündə 16 assistlə "böyük beşlik"də birinci yeri tutmuşdu.
"Latsio"lu Luis Alberto və "Bavariya"lı Tomas Müller hərəyə 11 assistlə ikinciliyi bölüşür. Növbəti sırada Dortmund "Borussiya"sının gənc oyunçusu Ceydon Sanço qərarlaşır.
2019-20 mövsümündə ən çox assist edən oyunçular:
1. Kevin de Bruyne ("Mançester Siti") – 12
2-3. Luis Alberto ("Latsio") – 11
Tomas Müller ("Bavariya") - 11
4. Ceydon Sanço ("Borussiya", Dortmund) – 9
5-7. Trent Aleksander-Arnold ("Liverpul") - 8
İslam Slimani ("Monako") – 8
Anxel di Mariya (PSJ) - 8
8-14. Kristofer Nkunku ("Leypsiq") - 7
Deyan Kuluşevski ("Parma") - 7
Emiliano Buendia ("Norviç") – 7
Luis Suares ("Barselona") – 7
Hun-Min Son ("Tottehhem") – 7
Torqan Azar ("Borussiya", Dortmund) – 7
Yoann Kurt ("Brest") - 7
Qeyd edək ki, ötən mövsüm digər belçikalı Eden Azar "çelsi"nin heyətində 15 qol pası ilə mövsümün assist "kral"ı olmuşdu.