05 Mart 2020, 00:59

Koronavirusun Avropada ən çox yayıldığı İtaliyada futbol yarışları ilə bağlı yekun qərar qəbul olunub. Matc.az xəbər verir ki, bu ölkənin idman naziri Vincentso Spadafora A Seriyasının və klubların rəhbərləri ilə görüşərək, mövcud vəziyyəti müzakirə edib.
 
Aparılan müzakirələrdən sonra A Seriyasında bütün oyunların azarkeşsiz keçirilməsinə qərar verilib. Beləliklə, İtaliya çempionatında bütün qarşılaşmalar aprelin 3-nə qədər boş tribunalar önündə keçiriləcək.
 
Xatırladaq ki, A Seriyasında son iki turun əksər qarşılaşmaları, həmçinin İtaliya kubokunun yarımfinal mərhələsinin cavab qarşılaşmaları təxirə salınıb. Bu ölkədə virusa yoluxanların sayı 2 mindən çoxdu, azı 79 nəfər isə dünyasını dəyişib.

XƏBƏRİ PAYLAŞ
  • gplus
  • pinterest