23 Mart 2020, 21:00

Koronavirus pandemiyasına yoluxaraq, karantinə alınan "Arsenal"ın baş məşqçisi Mikel Arteta açıqlama verib.
 
Matc.az İngiltərə mətbuatına istinadən xəbər verir ki, xeyli müddət idi karantində olan, artıq tam sağalan mütəxəssis, hazırkı vəziyyəti ilə bağlı danışıb:
 
"Pandemiyaya görə test verdim və növbəti gün virusa yoxulduğumu bildirdilər. Bunu Premyer Liqa rəhbərliyinə bildirdik, çünki mənimlə təmasda olan hər kəsin karatinə alınması lazım idi.
 
Hazırda özümü yaxşı hiss edirəm. Daha çox enerji toplamaq və bəzi simptomların itməsi 3-4 gün çəkdi. Amma indi daha yaxşıyam".
 
Qeyd edək ki, "Arsenal"da 14 günlük karantin müddəti bitməsinə rəğmən, məşqlərin bərpası təxirə salınıb. Klub rəhbərliyi hər kəsin evdə qalmasının indiki məqamda daha doğru olmasına qərar verib.

XƏBƏRİ PAYLAŞ
  • gplus
  • pinterest