Avrokubokların qrup mərhələsinin V turundan sonra klubların UEFA reytinqi açıqlanıb. Matç.az saytı xəbər verir ki, çempionlar Liqasının 16, Avropa Liqasının 24 qarşılaşması siyahıda bəzi dəyişikliklərə səbəb olub.
İlk "yüzlük"dəki yeganə Azərbaycan klubu, ölkə çempionu "Qarabağ"ın mövqeyi dəyişməyib. Avropa Liqasının ev oyununda "Sportinq"ə 1:6 hesabı ilə uduzan Qurban Qurbanovun yetirmələrinin xal hesabı sabit qalıb. Aktivində 22,000 xal olan komanda 64-cü yeri bölüşür.
Lakin "Qarabağ"a şəriklərin sayı artıb. "Lester" (İngiltərə), "Feyenoord"la (Hollandiya) və "Valensiya"ya (İspaniya) daha bir komanda qoşulub. Bu, Belçika təmsilçisi "Genk"di. İsveçdə "Malmö" ilə heç-heçə edən belçikalılar 64-68-ci yerlərə şərik çıxıb.
"Qarabağ" və qonşuları
56. "İnter" (İtaliya) – 25,000
57-58. "Legiya" (Polşa) – 24,500
"Dinamo" (Zaqreb, Xorvatiya) – 24,500
59. "Dnepr" (Ukrayna) – 24,000
60-61. PAOK (Yunanıstan) – 23,500
BATE (Belarus) – 23,500
62-63. "Styaua" (Rumıniya) – 23,000
"Sent-Etyenn" (Fransa) – 23,000
64-68. "Valensiya" (İspaniya) – 22,000
"Qarabağ" (Azərbaycan) – 22,000
"Feyenoord" (Hollandiya) – 22,000
"Lester" (İngiltərə) – 22,000
"Genk" (Belçika) – 22,000
69-70. "Qalatasaray" (Türkiyə) – 21,500
"Rapid" (Avstriya) – 21,500
71. "Leypsiq" (Almaniya) – 21,000
ölkəmizin digər klublarının mövqeyi dəyişməz qalıb. "Qəbələ" 163-cü sıraya şərikdi. Digərləri isə 273-cü yeri bölüşür.
Digər Azərbaycan klubları
163-164. "Qəbələ" (Azərbaycan) – 6,250
273-276. "Keşlə" (Azərbaycan) – 3,700
"Neftçi" (Azərbaycan) – 3,700
"Zirə" (Azərbaycan) – 3,700
"Kəpəz" (Azərbaycan) – 3,700
Avropa Liqasının qrupunda "Qarabağ"ın rəqiblərindən yalnız "Vorskla"nın mövqeyi dəyişməyib. "Arsenal" 1 pillə geriləyib. Bakıda "Qarabağ"ı 6:1 hesabı ilə yenən "Sportinq" isə üç addım irəliləyib.
"Qarabağ"ın rəqibləri
10. "Arsenal" (İngiltərə) – 84,000
31. "Sportinq" (Portuqaliya) – 47,000
146. "Vorskla" (Ukrayna) – 7,580
Avropanın 10 ən yaxşı klubunun siyahısında da dəyişikliklər olub. "Real" zirvədə qalıbsa, "Bavariya" 2-ci yerdəki "Bavariya"ya şərik olub. PSJ-ni arxada qoyan "Mançester Siti" 6-cı pillədəki "Sevilya"ya çatıb. "Arsenal" isə 9-cu pilləni "Porto"ya verib.
İlk "onluq"
1. "Real" (İspaniya) – 144,000
2-3. "Barselona" (İspaniya) – 126,000
"Bavariya" (Almaniya) – 126,000
4. "Atletiko" (İspaniya) – 124,000
5. "Yuventus" (İtaliya) – 120,000
6-7. "Sevilya" (İspaniya) – 97,000
"Mançester Siti" (İngiltərə) – 97,000
8. PSJ (Fransa) – 94,000
9. "Porto" (Portuqaliya) – 88,000
10. "Arsenal" (İngiltərə) – 84,000