Avro-2020-nin 4 qarşılaşması Bakı Olimpiya Stadionunda keçiriləcək. Bunlardan 3-ü qrup oyunları, 1-i isə 1/4 final mərhələsinin qarşılaşmasıdı.

Dekabrın 2-də İrlandiyanın Dublin şəhərindəki Konvensiya Mərkəzində 2020-ci ildə keçiriləcək Avropa çempionatının seçmə mərhələsinin püşkatma mərasimi təşkil olunacaq.

Matç.az-ın AFFA-nın rəsmi saytına istinadən məlumatına görə, yerli vaxtla saat 11:00-da (Bakı vaxtı ilə saat 15:00) başlayacaq mərasimdə AFFA-nın prezidenti Rövnəq Abdullayev, vitse-prezident Elşad Nəsirov, baş katib Elxan Məmmədov, Azərbaycan milli komandasının baş məşqçisi Qurban Qurbanov, baş katibin müavini Sərxan Hacıyev, AFFA-nın Mətbuat və İctimaiyyətlə Əlaqələr Şöbəsinin müdiri Firuz Abdulla, AFFA-nın Beynəlxalq Əlaqələr Şöbəsinin müdiri, Avro-2020-nin final mərhələsinin Bakıda keçiriləcək oyunları üzrə Əməliyyat Qrupunun layihə koordinatoru Könül Mehtiyeva və AFFA-nın İnfrastruktur direktoru, Avro-2019-un Bakıda təşkil olunacaq final qarşılaşmasının layihə koordinatorunun müavini Kamran Vəliyev iştirak edəcəklər.

Qeyd edək ki, Avro-2020-nin 4 qarşılaşması Bakı Olimpiya Stadionunda keçiriləcək. Bunlardan 3-ü qrup oyunları, 1-i isə 1/4 final mərhələsinin qarşılaşmasıdı. Püşkatma mərasiminə yollanacaq AFFA nümayəndə heyətinin üzvləri Avro-2020 ilə bağlı təşkil olunacaq müxtəlif tədbirlərin iştirakçısı olacaqlar. Həmçinin, püşkatmadan bir gün öncə - dekabrın 1-də Dublində milli assosiasiyaların rəhbərliyi və mətbuat mətbuat xidməti rəhbərləri üçün seminarlar keçiriləcək. Tədbirlərdə, müvafiq olaraq, baş katib Elxan Məmmədov, baş katibin müavini Sərxan Hacıyev və Mətbuat və İctimaiyyətlə Əlaqələr Şöbəsinin müdiri Firuz Abdulla iştirak edəcək.

XƏBƏRİ PAYLAŞ
  • gplus
  • pinterest