09 İyul 2020, 18:34

İngiltərə Premyer Liqasının 34-cü turunda "Liverpul"un "Brayton"a 3:1 hesabı ilə qalib gəldiyi oyun meydan sahiblərinin futbolçusu Cordan Hendersonla Ceyms Milner üçün əlamətdar olub.
 
Matc.az xəbər verir ki, Henderson Premyer Liqada 350-ci oyununu keçirib. Bu oyunlarda o, 31 qolla yadda qalıb. Henderson "Liverpul"dan başqa, "Sanderlend" və "Koventri Siti" klublarında da çıxış edib. 30 yaşlı futbolçu 2011-ci ildən "Liverpul"da forma geyinir.
 
Milnerin 80-ci dəqiqəsində meydana çıxdığı qarşılaşma 34 yaşlı futbolçunun İngiltərə Premyer Liqasında 536-cı oyunu olub. Bu göstərici ilə o, liqada ən çox oyun keçirən futbolçuların siyahısında ilk 5-liyə daxil olub. Milner siyahının 5-ci pilləsində qərarlaşıb.
 
çempionat tarixində ən çox oyun keçirən isə Qaret Barridir. O, ümumilikdə 653 oyun keçirib.

XƏBƏRİ PAYLAŞ
  • gplus
  • pinterest