Bu gün AFFA-nın İcraiyyə Komitəsinin qərarı ilə istefaya göndərilən Qurban Qurbanov Azərbaycan millisinin tarixində 2-ci nəticəyə imza atıb. Matç.az saytı xəbər verir ki, 46 yaşlı mütəxəssis yığmadan 47 faizlik nəticə ilə ayrılıb.
Söhbət rəsmi və yoxlama oyunlarındakı görüşlərdə qələbəyə görə 3 xal prinsipi ilə göstərilən nəticədən gedir.
Qurbanovlu milli 12 matçda 17 xal yığıb. 4 qələbə, 5 heç-heçə və 3 məğlubiyyəti olan yığmaya 36 mümkün xalın yarısına çatmaq üçün bir xalı çatmayıb.
Bu göstərici millimizin 26 illik tarixindəki 12 baş məşqçisi arasında 2-cidi. Bu "12-lik" komandaya müvəqqəti rəhbərlik edib 3 oyuna çıxaran Qyoko Hacıyevski, 1 matçda baş məşqçi vəzifəsini icra edən Nazim Süleymanov və Mahmud Qurbanovu, həmçinin yalnız bir görüşdə iş başında olan məşqçilər korpusunu nəzərə almamaqla formalaşıb.
Siyahıya isə Ələkbər Məmmədov başçılıq edir. Lakin onun 83 faizlik göstəricisi yalnız yoxlama oyunlarında, Asiya yığmaları ilə (həmin vaxt Qazaxıstan da UEFA üzvü deyildi) duellərdə əldə olunub.
Düzdü, 2-ci olan Qurbanov da dünya və Avropa çempionatlarının seçmə mərhələsini görməyib və güclü rəqiblərlə qarşılaşmayıb. O, rəsmi matçlarda komandanı yalnız Millətlər Liqasında Avropanın 4-cü dərəcəli (D liqası) yığmaları ilə duellərə çıxarıb. 3-cü sırada isə Robert Prosineçki qərarlaşıb.
Qeyd edək ki, siyahının sonuncusu Ağasəlim Mircavadovdu. Onun hesabında yalnız məğlubiyyətlərdi.
|
Baş məşqçi |
O |
X |
Faiz |
1 |
Ələkbər Məmmədov |
4 |
10 |
83,33% |
2 |
Qurban Qurbanov |
12 |
17 |
47,22% |
3 |
Robert Prosineçki |
23 |
24 |
34,78% |
4 |
Şahin Diniyev |
20 |
19 |
31,67% |
5 |
Berti Foqts |
71 |
67 |
31,46% |
6 |
Kazbek Tuayev |
13 |
12 |
30,77% |
7 |
Vaqif Sadıqov |
33 |
30 |
30,30% |
8 |
Karlos Alberto Torres |
18 |
12 |
22,22% |
9 |
Əsgər Abdullayev |
13 |
7 |
17,95% |
10 |
İqor Ponomaryov |
15 |
8 |
17,78% |
11 |
Əhməd Ələsgərov |
9 |
4 |
14,81% |
12 |
Ağasəlim Mircavadov |
9 |
0 |
0,00% |