Bu gün futzal üzrə Dç-2020-nin Avropa zonası üzrə ilkin və əsas seçmə mərhələlərinin püşkatma mərasimi keçirilib. Matç.az xəbər verir ki, UEFA-nın Nyondakı mənzil-qərargahında baş tutan tədbirdə rekord sayda 48 komanda iştirak edib.
Onlardan 32-si ilkin raundda mübarizə aparacaq. Bu yığmalar hərəsində 4 komanda olmaqla 8 qrupa bölünüb.
İlkin mərhələnin matçları gələn il yanvarın 29-dan fevralın 3-dək keçiriləcək. Hər qrupda ilk 2 yerin sahibi əsas raunda yüksələcək.
A qrupu: Latviya*, İngiltərə, Kipr, Cəbəllütariq
B qrupu: Belarus*, Norveç, Kosovo, Andorra
C qrupu: Makedoniya*, Albaniya, Yunanıstan, San-Marino
D qrupu: Gürcüstan*, Danimarka, Almaniya, İsrail
E qrupu: Belçika, İsveç*, Ermənistan, Malta
F qrupu: Bosniya və Herseqovina*, Türkiyə, İsveçrə, Şotlandiya
G qrupu: Hollandiya, Monteneqro, Bolqarıstan*, Estoniya
H qrupu: Finlandiya, Moldova*, Uels, Şimali İrlandiya
* - meydan sahiblərini göstərir.
Ən yüksək reytinqə malik 16 komanda, o cümlədən Azərbaycan millisi mübarizəyə əsas mərhələdən başlayacaq. Bu raundda da 32 komanda 4 iştirakçı olmaqla 8 qrupa bölünüb. Yığmamız 3-cü qrupda yer alıb. Komandamız Slovakiya, həmçinin ilkin mərhələnin H qrupunun qalibi və G qrupunun ikincisi ilə mübarizə aparacaq.
H qrupunda Finlandiya, meydan sahibi Moldova, Uels və Şimali İrlandiya qüvvəsini sınayacaq. G qrupunda Hollandiya, Monteneqro, Estoniya və meydan sahibi Bolqarıstan yer alıb.
1-ci qrup: İspaniya, Polşa*, D1, H2
2-ci qrup: Ukrayna*, Sloveniya, C1, B2
3-cü qrup: Azərbaycan*, Slovakiya, H1, G2
4-cü qrup: İtaliya*, Macarıstan, B1, A2
5-ci qrup: Qazaxıstan, Ruminiya*, G1, C2
6-cı qrup: Serbiya, Fransa*, E1, F2
7-ci qrup: Rusiya, Xorvatiya*, F1, E2
8-ci qrup: Portuqaliya*, çexiya, A1, D2
2019-cu il oktyabrın 22-dən 27-dək keçiriləcək əsas mərhələdə millimizin qrupunun oyunları Bakıda keçiriləcək. Əsas mərhələdən elit raunda hər qrupdan 2 ən yüksək nəticə qazanmış komanda vəsiqə qazanacaq.
Qeyd edək ki, dünya çempionatının final mərhələsi Litvada keçiriləcək.