İngiltərə Premyer Liqasının XIX turunda "Nyukasl" üzərində böyükhesablı qələbə qazanan (4:0) "Liverpul" məğlubiyyətsiz oyunlar seriyasını davam etdirib. Matç.az saytının məlumatına görə, "mersisaydlılar" bununla ilk dövrəni yenilgisiz başa vurub.

Yurgen Kloppun yetirmələri Premyer Liqa tarixində 19 turdan sonra məğlubiyyət üzü görməyən 4-cü klub olub. Bundan əvvəl "Arsenal" (2003-04), "Mançester Yunayted" (2010-11) və "Mançester Siti" (2017-18) bunu reallaşdırmağı bacarmışdı. Hər üç klub həmin mövsümün sonunda çempionluğu bayram etmişdi.

Qeyd edək ki, "Liverpul" hazırda ən yaxın izləyicisi "Tottenhem"i 6 xal qabaqlayır.