12 Mart 2021, 20:17

ABŞ-ın "Los Anceles Qalaksi" klubu heyətini yeni futbolçu ilə gücləndirib.
 
Matc.az xəbər verir ki, MLS təmsilçisi "Monako"dan Samuel Qransiri heyətinə qatıb.
 
Bu barədə klubun mətbuat xidməti məlumat yayıb. 24 yaşlı cinah oyunçusu ilə müddəti 2023-cü ilin sonuna qədər olan müqavilə imzalanıb. Fransız futbolçu yeni klubuna azad agent statusunda keçib.
 
Fransanın "Trua" klubunun yetirməsi olan Samuel 2018-ci ildən "Monako"da çıxış edirdi. O, bu komandanın heyətində cəmi 18 oyuna çıxıb, 1 qol və 1 məhsuldar ötürmə ilə yadda qalıb. O, karyerası ərzində "Trua", "Brest" və "Strasburq"da da çıxış edib.

XƏBƏRİ PAYLAŞ
  • gplus
  • pinterest