24 Aprel 2021, 10:56

"Komandanın qeyri-stabil çıxış etməsinin səbəbini bilmirəm. Premyer Liqanın 23-cü turunda "Sumqayıt"a 0:2 hesabıyla məğlub olduq. Qalib gəlsəydik, turnir cədvəlində rəqibə yaxınlaşacaqdıq və çempionat daha da maraqlı olacaqdı"

"Komandanın qeyri-stabil çıxış etməsinin səbəbini bilmirəm. Premyer Liqanın 23-cü turunda "Sumqayıt"a 0:2 hesabıyla məğlub olduq. Qalib gəlsəydik, turnir cədvəlində rəqibə yaxınlaşacaqdıq və çempionat daha da maraqlı olacaqdı". Matc.az xəbər verir ki, bu fikirləri "Qəbələ"nin yarımmüdafiəçisi Cavid Hüseynov deyib.
 
33 yaşlı yaşlı yarımmüdafiəçi əsas heyətdə az yer alması barədə bunları söyləyib: "Bunun səbəbini özüm də bilmirəm. Mən buna görə çox məyusam. Belə olmasını heç istəməzdim. çünki mən bu komandaya oynamağa gəlmişdim, oturmağa yox. Amma qismət belə alındı. Bəzi şeylər var ki, insan onlarla razılaşmalıdır. çünki bu sənin əlində olmayan məsələlərdir". (report)
 
Təcrübəli oyunçu "növbəti mövsüm "Qəbələ"də qalmayacağınızı demək olarmı" sualına belə cavab verib: "Məncə, demək olar. çünki artıq haqqımda qərar verilib. Mənə gəlib çatan məlumatlar belədir".
 
Hüseynov klub rəhbərliyi ilə görüşmədiyini sözlərinə əlavə edib. O, klubun belə qərar verməsində kimin rolunun daha çox olması ilə bağlı danışmaq istəmədiyini deyib: "Bu məsələlər haqqında çox danışmaq istəmirəm. Sadəcə, "alınmadı" deyib, üstündən keçirəm".
 
Yarımmüdafiəçi bütün bunlara baxmayaraq, son ana qədər "Qəbələ"nin mənafeyi üçün əlindən gələni edəcəyini bildirib: "çünki bu klub hər zaman mənə əziz və doğma olub. Həmişə belə olaraq qalacaq".
 
O, başqa klublarla danışıqlara başlamağın tez olduğunu söyləyib: "Qarşıda çempionatın 5 turu var. Amma yəqin ki, yaxın zamanda danışıqlar olacaq".
 
Qeyd edək ki, Cavid Hüseynov 2014-2019-cu illərdə də "Qəbələ"nin formasını geyinib. Yarımmüdafiəçi 2019/20 mövsümünün əvvəlində "Zirə"yə keçmişdi. O, 2020-ci iin iyulunda yenidən əyalət təmsilçisi ilə müqavilə imzalayıb.

XƏBƏRİ PAYLAŞ
  • gplus
  • pinterest