08 May 2021, 12:04

Aç-2020 könülləri üçün "Euro-2020 Volunteer Digital Kick-off" tədbiri təşkil olunub. Matc.az xəbər verir ki, tədbirdə iştirak edən AFFA-nın İcraçı vitse-prezidenti Elxan Məmmədov könüllüləri salamlayıb, onları Aç-2020 oyunlarında iştirakı ilə əlaqədar təbrik edib.
 
Könüllülərin Aç-2020-dəki önəmi haqda geniş bəhs edən Elxan Məmmədov onlara uğurlar arzulayıb. Daha sonra tədbirin qonaqları Aç-2020-nin Bakı səfiri Vəli Qasımov və Aç-2020-nin Bakı Könüllülərinin səfiri Taleh Yüzbəyov çıxış ediblər. Tədbirdə könüllülər üçün əsas treyninq məlumatları paylanılıb və "Volunteer Application" təqdim olunub. Tədbir ərzində Ayaz Babayev və "Eurovision" təmsilçisi Səmra Rəhimli musiqi nömrələri ilə çıxış ediblər.
 
Tədbir müddətində "ZOOM" Platforması üzərində 1000 nəfər, "Teams" üzərindən 350 nəfər, "Facebook" qrup daxil olmaqla, 2000-dən artıq əsas könüllü və ehtiyat könüllü tədbiri canlı olaraq izləyib. Tədbir eyni zamanda ictimaiyyət üçün "UEFA Volunteers Baku" "Facebook" səhifəsindən canlı olaraq yayımlanıb.
 
 
 
 

XƏBƏRİ PAYLAŞ
  • gplus
  • pinterest