Antalyada təlim-məşq toplanışında olan "Sabah" bu gün hazırlıq çərçivəsində növbəti yoxlama oyununu keçirib. Matç.az xəbər verir ki, Premyer Liqanın debütantı Qazaxıstanın "Tobol" klubuyla görüşüb.

Matç Bakı vaxtı ilə saat 18:00-da başlayıb. Qarşılaşma "Titanik" otelinin stadionunda baş tutub.

İlk hissədə rəqibini bir dəfə məyus edən Elşad Əhmədovun komandası ikinci hissədə də sevinməyə imkan tapıb. 

Amma bu, qələbə üçün yetərli olmayıb. Qazaxıstan klubu iki qol vuraraq görüşü bərabərliklə yekunlaşdırıb.

Qeyd edək ki, "Sabah" Antalya toplanışı çərçivəsində keçirdiyi ilk yoxlama oyununda Türkiyənin "Əskişehirspor" klubunu 1:0 hesabıyla məğlub edib.

Yoxlama oyunu

16 yanvar

"Sabah" - "Tobol" (Qazaxıstan) - 2:2

Qollar: Rəşad Eyyubov, 39, Cavid İmamverdiyev, 53

"Titanik" otelinin meydançası