Yanvarın 13-dən Antalyada təlim-məşq toplanışında olan "Neftçi" bu gün hazırlıq çərçivəsində sonuncu dəfə meydana çıxıb. Matç.az saytının məlumatına görə, Premyer Liqanın lideri yoxlama görüşündə qüvvəsini sınayıb.

Baş məşqçi Roberto Bordin son olaraq Bolqarıstan təmsilçisi "Beroe" ilə oyunda yetirmələrini sınamaq imkanı qazanıb. Bakılılar bu görüşdə böyükhesablı qələbəyə imza atıb.

Artıq ilk yarıda 3 qol vuran "Neftçi" fasilədən sonra fərqi daha da artırıb. Dario Federikonun 2, Baqali Dabonun 1 qol vurduğu matçda yeni transfer Vangelis Platellas da fərqlənib.

Buna qədər Rumıniya klubu "Qaz Metan"a böyük hesabla qalib gəlib (3:0), çexiya "Slovan"ına yenilən (1:2), "İstiqlal"la matçı sonradan Bordinin qərarı ilə ləğv olunan "Neftçi" təlim-məşq toplanışını darmadağınla başa vurub. Bu qələbədən sonra Bakıya qayıdacaq paytaxt təmsilçisinin mövsümün ikinci yarısının ilk oyununa – "Qarabağ"la matça hazırlıqlarını vətəndə yekunlaşdıracaq.

Yoxlama görüşü

26 yanvar

"Neftçi" (Azərbaycan) - "Beroe" (Bolqarıstan) - 4:0
Qollar: Dario Federiko, 12, 30, Baqali Dabo, 39, Vangelis Platellas, 58
41-ci dəqiqədə Emin Mahmudov penaltidən yararlana bilməyib.
Side

"Neftçi": 1.Səlahət Ağayev, 3.Mamadu Mbodj, 5.Anton Krivotsyuk, 8.Emin Mahmudov (K), 9.Baqali Dabo, 10.Dario Frederiko, 11.Vanqelis Platellas, 21.Məhəmməd Mirzəbəyov, 22.Mirabdulla Abbasov, 26.ömər Buludov, 93.Soni Mustivar.
Ehtiyat oyunçular: 12.Kamran İbrahimov, 6.Qoran Paratski, 7.Namik Ələskərov, 15.Ruslan Abışov, 17.Rəhman Hacıyev, 18.Tural Axundov, 20.Elnur Süleymanov, 32.Mirkamil Əliyev, 36.Mamadu Kane, 70.Əli Şirinov, 77.Elvin Sərkərov, 95.Rəhman Daşdəmirov.