Namiq Ələsgərov "Neftçi"də yubiley oyununu keçirib. Matc.az-ın PFL-in rəsmi saytına istinadən məlumatına görə, yarımmüdafiəçi paytaxt klubunun heyətində 50-ci dəfə çempionat görüşünə çıxıb.

Bu, Topaz Premyer Liqasının XVII turunun "Zirə" ilə səfər qarşılaşmasına (0:0) təsadüf edib. 75-ci dəqiqədə meydana daxil olun futbolçu "ağ-qaralar"ın heyətindəki görüşlərdə 7 qol vurub. 2016/17 mövsümündə 11 matçda 2, 2017/18 mövsümündə 27 görüşdə 5 dəfə fərqlənən Ələsgərov cari çempionatın 12 qarşılaşmasında iştirak edib.

Namiq "Neftçi"nin tarixində Premyer Liqada 50 və daha çox oyun keçirən 72-ci futbolçu olub. Bu göstəricidə rekord İqor Getmana məxsusdu. O, 182 matçda meydana çıxıb.

XƏBƏRİ PAYLAŞ
  • gplus
  • pinterest