"Neftçi" baxışa yeni futbolçu dəvət edib. Matç.az klubun rəsmi saytına istinadən xəbər verir ki, bu, qvineyalı Mamadu Kanedi. 21 yaşlı Kane mərkəz yarımmüdafiəçisidi. Qvineyanın "Kaloum Star" klubunun üzvü olan futbolçu bu ölkənin 20 yaşadək milli komandasının formasını geyinib və dünya çempionatında iştirak edib.

Qeyd edək ki, məşqçilər korpusu bu gündən məşqlərə qoşulan afrikalı futbolçu haqda müsbət qərar verərsə, onunla müqavilə bağlanacaq.