İtaliya kubokunda "Latsio"ya məğlubiyyət "Milan"ın baş məşqçisi Cennaro Qattuzonun istefasına səbəb olacaq. Matc.az saytının yerli mətbuata istinadən məlumatına görə, klub rəhbərliyi artıq yeni çalışdırıcı axtarışına çıxıb.

"Rossonyerlər"in bu posta 4 namizədi var. Bunlar Mauritsio Sarri ("çelsi"), Unay Emeri ("Arsenal"), Mauritsio Poçettino ("Tottenhem") və Antonio Kontedi. İlk üç çalışdırıcı hazırda iş başında olduğundan, ilk hədəf Kontedi. Lakin 49 yaşlı mütəxəssislə eyni zamanda "Roma", "Yuventus" və "İnter" də maraqlanır.

Qeyd edək ki, Antonio Kontenin son iş yeri "çelsi" olub.