"Real"ın 25 yaşlı hücumçusu Kilian Mbappenin maaşı bonuslarla birlikdə ildə təxminən 36 milyon avro təşkil edir.

Matc.az xəbər verir ki, bu barədə "X" sosial şəbəkəsində jurnalist Ramon Alvares de Mont məlumat paylaşıb.

Bildirilir ki, Madrid klubu maaşı təxminən 20 milyon avro olan yarımmüdafiəçi Toni Kroos, hücumçu Xoselu (2 milyon avro) və mərkəz müdafiəçisi Naço Fernandesin (10 milyon avro) klubdan ayrılmasından sonra maaş fondunu genişləndirib.

Bundan başqa, ötən yay klubla müqaviləsini uzadan 39 yaşlı yarımmüdafiəçi Luka Modriçin maaşını da 24 milyon avrodan 12 milyon avroya endirilib.