"Futbolçularımız əsl qəhrəmandılar. Çünki adlarını "Qəbələ"nin tarixinə qızıl hərflərlə yazdırdılar. Onlara böyük təşəkkür düşür, çox əziyyət çəkdilər. Bu gün də bütün güclərini ortaya qoyub kuboku qazandılar"

"Möhtəşəm andı. Klub tarixində ilk dəfə kuboka sahib oldu". Matc.az saytının məlumatına görə, bunu "Qəbələ"nin baş məşqçisi Sənan Qurbanov deyib.

Azərbaycan kubokunun final qarşılaşmasında "Sumqayıt" üzərində 1:0 hesablı qələbə qazanan "qırmızı-qaralar" tarixində ilk dəfə ölkə kubokuna yiyələnib.

Matçdan sonra CBC Sport telekanalına açıqlama verən Qurban fikrini bu sözlərlə davam etdirib: "Futbolçularımız əsl qəhrəmandılar. çünki adlarını "Qəbələ"nin tarixinə qızıl hərflərlə yazdırdılar. Onlara böyük təşəkkür düşür, çox əziyyət çəkdilər. Bu gün də bütün güclərini ortaya qoyub kuboku qazandılar. Bu il çempionatda istədiyimiz yerdə olmasaq da, kuboka sahib çıxaraq iddialı klub olduğumuzu göstərdik".

Baş məşqçi avrokubok öncəsi büdcə ilə bağlı verilən sualı da cavablandırıb: "Artıq Avropa Liqasına vəsiqə qazanmışıq. Avropada ölkəmizi təmsil edəcəyik. Rəhbərlik yəqin ki, sabahdan etibarən hərəkətə gələcək və lazımi qərarları verəcək. "Qəbələ" böyük infrastruktura malik klubdu. Bunu qoruyub saxlamaq üçün rəhbərliyimiz əlindən gələni edəcək".

XƏBƏRİ PAYLAŞ
  • gplus
  • pinterest