Türkiyənin "Fənərbaxça" klubu heyətini yeni futbolçu ilə gücləndirib. Matc.az xəbər verir ki, İstanbul nəhəngi Almaniya yığmasının "Verder"də çıxış edən hücumçusu Maks Kruzeni transfer edib.
 
Bu barədə klubun rəsmi saytı məlumat yayıb. Artıq İstanbula gələrək tibbi müayinədən keçən almaniyalı futbolçu yeni klubu ilə 3 illik müqaviləyə imza atıb. Bu gündən etibarən o, yeni komandasının təlim-məşq toplanışına qoşulub.
 
Kruze "Fənərbaxça"da 10 nömrəli formanı geyinəcək.
 
"Verder"in yetirməsi olan 31 yaşlı hücumçu karyerası ərzində "Sankt-Pauli", "Frayburq", "Borussiya" (Münhenqladbax) və "Volfsburq"da da çıxış edib. O, 2009-cu ildə tərk etdiyi "Verder"ə 2016-cı ildə qayıtmışdı. Almaniya yığmasında 14 oyun keçirən forvard 4 qolla yadda qalıb.

XƏBƏRİ PAYLAŞ
  • gplus
  • pinterest