"Real"a baş məşqçi təyin olunacağı gözlənilən "Benfika"nın baş məşqçisi Joze Mourinyo klubun yaxın tarixində ən geniş heyət dəyişikliklərindən birini hazırlayır.

Matc.az xəbər verir ki, bu barədə "Marca" məlumat yayıb.

Madrid klubu komandanı portuqaliyalı məşqçinin taktiki vizyonu ətrafında yenidən qurmaq üçün 10-a qədər oyunçu sata bilər. Əsas diqqət nüfuza və ya keçmiş nailiyyətlərə deyil, intizam və zehni möhkəmliyə yönələcək.

Mourinyonun yenidənqurma işləri Vinisius Junior kimi tanınmış oyunçuların komandadan ayrılmasına səbəb ola bilər. Məşqçinin qayıtması halında hər bir oyunçu bu aqibətlə üzləşə bilər.

Vinisiusdan başqa, "Real"da gələcəyi sual altında olan oyunçular arasında Eduardo Kamavinqa, Daniel Seballos, Ferland Mendi, Andriy Lunin və Qonzalo Qarsiya da var. Portuqaliyalı mütəxəssis həmçinin Federiko Valverde və Aurelien Çouameninin gələcəyi ilə də bağlı qərar verə bilər.

Bu dəyişikliklər göstərir ki, Mourinyo daha güclü müdafiə intizamına və taktiki etibarlılığa malik oyunçulara üstünlük verəcək.