"Barselona" Polşa millisinin və "Porto"nun mərkəz müdafiəçisi Yakub Kiveri transfer etməyi düşünür.

Matc.az xəbər verir ki, bu barədə məlumatı jurnalist Matteo Moretto paylaşıb.

Bildirilir ki, hazırda tərəflər arasında transfer danışıqları aparılmır. Kataloniya klubu polşalı oyunçunu "İnter"in müdafiəçisi Alessandro Bastoniyə daha əlverişli alternativ hesab edir.

Qeyd edək ki, "Arsenal"ın futbolçusu olan Kiver hazırda "Porto"da icarədədir. Bu mövsüm 26 yaşlı müdafiəçi bütün yarışlarda 39 oyunda meydana çıxıb və 2 məhsuldar ötürmə edib. "Transfermarkt" portalında futbolçunun dəyəri 27 milyon avrodur.