"Qəbələ" Türkiyədəki təlim-məşq toplanışını davam etdirir. Matc.az xəbər verir ki, "qırmızı-qaralar"ın təcrübəli qapıçısı Anar Nəzirov Bolu şəhərində təşkil olunan hazırlıq prosesi barədə fikirlərini klub saytına açıqlayıb:
"Təlim-məşq toplanışı yüksək səviyyədə təşkil olunub. Hazırlıq prosesi əla ab-havada keçir. Bu da hər kəsi sevindirir. Artıq iki yoxlama oyununda qüvvəmizi sınamışıq. Hər iki görüşdə Avropa Liqası təcrübəsinə malik, yaxşı komplektləşmiş Ukrayna klubları ilə üz-üzə gəlmişik. "Mariupol"a qalib gəlib, "Vorskla"ya uduzsaq da, komandanın istəkli olması, döyüşkənliyi sevindiricidi".
Nəzirov "Qəbələ"də heyətin yenidən formalaşması haqda fikirlərini də bölüşüb: "Komanda yenidən formalaşır. Bu prosesdə əsasən klubun öz akademiyasının yetirmələrinə üstünlük verməyə çalışılır. Əlbəttə, heyətdə bir neçə təcrübəli futbolçu və legionerlər də yer alıb. Hər futbolçu məşqçilərin tapşırıqlarını ən yaxşı şəkildə yerinə yetirməyə çalışır. Məşqlərdə səylə hazırlıq keçməklərindən hiss olunur ki, hər kəs məsuliyyəti yaxşı başa düşür. Buna görə də hamı etimadı doğrultmağa çalışır. Belə istək, həvəslə davam edəriksə, komanda adına yaxşı işlər görə bilərik".
Qolkiper Avropa Liqasının 2-ci təsnifat mərhələsi haqda da danışıb: "Böyük ehtimalla Tbilisi "Dinamo"su ilə qarşılaşacağıq. Toplanış zamanı şahid olduğumuz istək, özünəinam və mübarizəni Gürcüstan klubu ilə görüşlərdə də görsək, istədiyimiz nəticələrə nail ola bilərik. Heyət yeni formalaşmaqda olduğu üçün bu üç amil daha çox lazımdı".
XƏBƏRİ PAYLAŞ
Xəbərlər
“Neftçi”nin idman direktoru: Hansısa oyunçu
42 illik tilsim qırıldı
“Real”ın La Liqa matçının vaxtı
“Turan Tovuz” – “Sumqayıt” matçı
İtaliyanın 5 klubu Çempionlar Liqasında
Son 29 ildə ilk
“Qarabağ” – “Qəbələ” matçının biletləri
“Böyük beşlik”də tarixi rekord
“Fənərbaxça” Konfrans Liqası ilə vidalaşdı
“Bayer” yarımfinalda, “Milan” və “Liverpul” mübarizəni
“Qara qüvvələri”in çirkli niyyəti
