Ölkənin aparıcı banklarından biri olan Bank Respublika ilə Azərbaycan Premyer Liqasında mübarizə aparan "Sabah" arasında sponsorluq və əməkdaşlıq haqqında yeni müqavilə imzalanıb.

ölkənin aparıcı banklarından biri olan Bank Respublika ilə Azərbaycan Premyer Liqasında mübarizə aparan "Sabah" arasında sponsorluq və əməkdaşlıq haqqında yeni müqavilə imzalanıb. Matc.az-ın klubun rəsmi saytına istinadən məlumatına görə, sözləşməyə əsasən, "Sabah"ın Premyer Liqada mübarizə aparan əsas və I Divizionda yarışan əvəzedicilərdən ibarət komandaları 2019-20 mövsümündə keçirdikləri bütün oyunlarda üzərində "Bank Respublika" yazılan formalarda çıxış edəcəklər.

Bundan əlavə, klubun ev oyunlarını keçirdiyi Masazırdakı stadion yeni mövsümdən "Bank Respubika Arena" adlanacaq. Bu müddətdə Bank stadionda özünün reklam materiallarının yerləşdirilməsində müstəsna hüquqlara malik olacaq.

"Azərbaycan futboluna investorların və sponsorların gəlişi müsbət haldı. ötən il "Bank Respublika" ilə sponsorluq müqaviləsi imzaladıq. Bu il isə bankla yeni müqavilə bağladıq. Yeni mövsümdən ev oyunlarımızı keçirdiyimiz stadion "Bank Respublika Arena" adlanacaq. Bu da onu göstərir ki, ötən mövsümkü əməkdaşlıq özünü tam doğruldub və aramızdakı bağlar daha da möhkəmlənib. Fikrimcə, bu anlaşma "Bank Respublika" ilə əməkdaşlığımızda yeni səhifənin başlanğıcı olacaq. ümid edirəm ki, gələcəkdə bu cür anlaşmalar nəinki bizim klubda, həmçinin Azərbaycan futbolunda mütəmadi hal alar", -deyə Sabah"ın prezidenti Maqsud Adıgözəlov qeyd edib.

Bank Respublikanın İdarə Heyətinin sədri Tariyel İsmaylov isə deyib ki, bu əməkdaşlıq ölkəmizdə futbolu daha da aktiv inkişaf etdirməyə, gəncləri aktiv idman növlərinə cəlb etməyə imkan verəcək: "Düşünürəm ki, müasir standartlara malik peşəkar futbol stadionlarından birinin "Bank Respublika Arena" adlanması, bankımızın Azərbaycan futboluna olan dəstəyin növbəti göstəricisi olacaq".