"Mançester Yunayted" baş məşqçisini dəyişə bilər. Matc.az saytının xarici mətbuata istinadən məlumatına görə, komandanın uğursuz çıxışı hazırkı çalışdırıcı Ole Qunnar Sulşerin istefasını yaxınlaşdırır.

"Qırmızı şeytanlar" artıq alternativ axtarışına da çıxıblar. "Mankunianlar"ın bu posta ilk namizədi Massimiliano Alleqridi. Hazırkı işsiz olan italiyalı mütəxəssislə bu barədə ilk danışıq da olub. İngilis dili kursuna gedən 52 yaşlı çalışdırıcı Premyer Liqanın nəhəng klublarından birinə rəhbərlik etməkdə maraqlıdı.

Qeyd edək ki, Alleqri son klubu olan "Yuventus"la 2014-2019-cu illərində 5 dəfə A seriyasını, 4 dəfə İtaliya Kubokunu, 2 dəfə İtaliya Superkubokunu qazanıb.