19 yaşadək qızlardan ibarət futbol üzrə Azərbaycan yığması Avropa çempionatında çıxışını başa vurub. Matc.az saytının məlumatına görə, Vüqar Əsgərlinin komandası seçmə mərhələ çərçivəsində bu gün son oyununa çıxıb.

Yığmamız oyunları Portuqaliyada keçirilən 3-cü qrupun III turunda Albaniya ilə qarşılaşıb. Hər iki komanda əvvəlki görüşləri məğlub başa vurduğundan, aralarındakı oyun formal xarakter daşıyıb. Dilara Soleyin qolu yeganə olub və Azərbaycan millisi qələbə qazanıb. Nəticədə ilk xallarını toplayan komandamız qrupda 3-cü yeri tutub.