"Qəbələ"də göstərdiyim oyuna görə xoşbəxtəm. Artıq komandada qələbə hissinin oyandığı üçün çox sevinirəm". Matç.az saytı xəbər verir ki, bunu "Qəbələ"nin futbolçusu Ceyms Adeniyi deyib.

Klubun rəsmi saytına açıqlama verən nigeriyalı hücumçu komandanın və özünün çıxışını dəyərləndirib: "İkinci dövrə yeni başlayıb. Mövsümün böyük hissəsi irəlidədir. Hələ qarşıda oyunlarımız var. İnanıram ki, birlikdə daha çox uğur qazanacağıq. Turnir cədvəlində daha yüksək pillələrə irəliləmək üçün imkanlarımız var".

Uğurlu seriyanı davam etdirməyə çalışacaqlarını bildirən Adeniyi XI turun "Qarabağ"la ev oyunu barədə də iddialı danışıb: "Ev oyunlarımız yaxşı ab-havada keçir. Azarkeş dəstəyi bizi daha yaxşı oynamağa vadar edir. Biz də bu dəstəkdən ruhlanıb yaxşı oyun nümayiş etdiririk. Növbəti turda qarşılaşacağımız "Qarabağ" güclü rəqibdir. Əlimizdən gələni edəcəyik ki, bu matçda da qalib gələk. İnanıram ki, qələbə qazanmaq üçün hər bir futbolçu bütün bacarığını ortaya qoyacaq. Hər birimiz komandaya daha çox fayda verməyə çalışacağıq".

XƏBƏRİ PAYLAŞ
  • gplus
  • pinterest