Mövsümün ikinci yarısına hazırlığını davam etdirən "Qəbələ"nin Türkiyədə keçirəcəyi sonuncu yoxlama oyunundakı rəqibi dəyişib. Matc.az xəbər verir ki, "qırmızı-qaralar" Antalya şəhərindəki təlim-məşq toplanışındakı 4-cü matçda Rumıniyanın "Konkordiya" klubu ilə görüşəcək. 
 
Bu matç yanvarın 25-də baş tutacaq. öncədən həmin gün Bolqarıstanın "Dunav" klubu ilə qarşılaşma nəzərdə tutulsa da, rəqib Rumıniyanın 2-ci liqa təmsilçisi olacaq.
 
Xatırladaq ki, Antalyada iki yoxlama matçı keçirən "Qəbələ" Macarıstanın MTK klubuna 0:3 hesabı ilə uduzub, Rusiya təmsilçisi "çayka"ya eyni hesabla qalib gəlib. Komanda yanvarın 22-də Bolqarıstanın "Etar" klubu ilə üz-üzə gələcək.

XƏBƏRİ PAYLAŞ
  • gplus
  • pinterest