İspaniyanın "Vilyarreal" klubu heyətini yeni futbolçu ilə gücləndirib. Matc.az xəbər verir ki, La Liqa təmsilçisi Dortmund "Borussiya"sının hücumçusu Pako Alkaseri transfer edib.
 
Bu barədə "Vilyarreal"ın rəsmi saytı məlumat yayıb. "Pako" ləqəbli 26 yaşlı futbolçu yeni klubu ilə 5 illik müqaviləyə imza atıb. İspaniyalı hücumçu 17 nömrəli formanı geyinəcək.
 
"Vilyarreal" bu transfer üçün Almaniya klubuna 23 milyon avro ödəyəcək.
 
Bu mövsüm "Borussiya"da 15 oyuna çıxan Alkaser, 7 qola imza atıb.  "Valensiya"nın yetirməsi olan, İspaniya yığmasının da formasını geyinən forvard karyerası ərzində "Xetafe" və "Barselona"nın da uğurları üçün çalışıb.

XƏBƏRİ PAYLAŞ
  • gplus
  • pinterest