"Real" La Liqanın 27-ci turunda səfərdə "Betis"ə 1:2 hesabı ilə məğlub olub. Matc.az xəbər verir ki, Madrid təmsilçisinin yeganə qolunu vuran Benzema klubun tarixinə keçib.
Belə ki, fransalı forvard komandada 241-ci qolunu vurub. Bu göstərici ilə Benzema "Real" tarixinin ən məhsuldar 5-ci futbolçusu olub. O, "kral klubu"nun əfsanəvi oyunçusu Puşkaşla eyni pillədə qərarlaşıb.
Qeyd edək ki, siyahıda dördüncü Santilyanadır (289). Klub tarixinin ən məhsuldar futbolçusu isə 450 qolla Kristiano Ronaldodur.