Futbol üzrə İtaliya A Seriyasının oyunlarının keçirilməsinin dayandırıldığı rəsmi olaraq açıqlanıb. Matc.az xəbər verir ki, buna səbəb koronavirus epidemiyasıdır. Bu barədə turnirin sosial şəbəkə hesabı məlumat yayıb.
Məlumatda, "A Seriyası rəsmi olaraq dayandırılır. Biz fasilə götürürük, amma qayıdacağıq. Hər şey yaxşı olacaq" sözlərinə yer verilib.
Epidemiya səbəbiylə A Seriyasının bir neçə turu azarkeşsiz keçirilmiş, eyni zamanda, bəzi oyunlar təxirə salınmışdı. Son olaraq İtaliyanın baş naziri Cüzeppe Konte ölkədəki bütün idman tədbirlərinin aprelin 3-nə qədər təxirə salındığını açıqlamışdı.
Yeri gəlmişkən, İtaliyadakı futbol çempionatlarında reqlament dəyişikliyi ola bilər. Bu barədə yerli futbol federasiyasının prezidenti Qabriele Qravina ölkə mətbuatına açıqlamasında deyib.
Qurum rəsmisi bildirib ki, koronavirusa görə aprelin 3-dək təxirə salınan çempionatları başa çatdırmaq mümkün olmasa, yeni sistem tətbiq oluna bilər. Q.Qravina hazırkı sıralamaya əsasən, çempionluq üçün pley-off, aşağı dəstəyə düşməmək üçün isə pley-aut sisteminə keçə biləcəklərini istisna etməyib.
Qeyd edək ki, hazırda İtaliya A Seriyasında turnir cədvəlinə 63 xalla "Yuventus" başçılıq edir. 1 xal az toplayan "Latsio" isə 2-ci pillədə qərarlaşıb.
XƏBƏRİ PAYLAŞ
Xəbərlər
PSJ səfərdə, “Borussiya” evdə revanş
Azərbaycan millisinə toplanış üçün 20
“Yuventus” türkiyəli futbolçu ilə bağlı
Azərbaycan millisi Gürcüstanla üz-üzə
9 ildən sonra ayrılır
Xavi: Üç ay əvvəl vəziyyət
Luis Enrike: Səhər 6-da oyananlar
“Qarabağ”ın Lunyov problemi
“Yuventus”un transferdən 8 milyonluq qazancı
Palmer “Çelsi”nin tarixinə düşdü
AFFA I Liqa matçı ilə
