Ermənistanın futbol çempionatının birinci dəstəsində 5 klub və 58 şəxsin adının danışılmış oyunlarda hallandığı üçün 2019/20 mövsümünün yarımçıq dayandırıldığını xəbər vermişdik.
 
Matc.az xəbər verir ki, 58 nəfərdən 45-i futbol fəaliyyətindən ömürlük məhrum edilib.
 
Cəzalı futbolçu, məşqçi və funksionerlərin 25-i Ukrayna vətəndaşıdır. Onların 20-si heç vaxt futbolla məşğul ola bilməzlər. ömürlük cəzaya məruz qalanlardan biri vaxtilə Azərbaycanda məşqçi kimi fəaliyyət göstərmiş Anatoli Piskovetsdir. İrəvan "Lokomotiv"inin keçmiş baş məşqçisi 2005-ci ildə Bakının "İnter" (hazırkı "Keşlə") və Zaqatalanın "Simurq" komandalarında məşqçi kimi fəaliyyət göstərib.
 
"Torpedo"nun futbolçusu kimi 1 illik cəzaya məruz qalan Miroslav Deda isə "Qarabağ"ın U-19 komandasında çıxış etmiş hücumçu Yaroslav Dedanın əkiz qardaşıdır.
 

XƏBƏRİ PAYLAŞ
  • gplus
  • pinterest