18 İyul 2020, 00:27

2019/20 mövsümündə "Qəbələ"nin əsas komandasında futbol akademiyasının 11 yetirməsi meydana çıxıb.
 
Matc.az əyalət təmsilçisinin rəsmi saytına istinadən xəbər verir ki, onlardan ikisi üçün debüt arxada qalan mövsümdə reallaşıb. 
 
Bunlar İdris İnqilablı və Faiq Hacıyevdir. Onlar əsas komandada ilk matçlarını keçirib. Bununla da "Qəbələ"nin akademiyasının klubun əsas komandasındakı təmsilçi sayı 22-yə çatıb. Onlar arasında rekordçu Elvin Camalovdur. Yarımmüdafiəçinin hesabında 141 oyun var. ötən mövsümdə də "qırmızı-qaralar"ın formasını geyinən Qismət Alıyev ikinci göstəriciyə malikdir. O, 80 dəfə əsas komandada şans qazanıb. Roman Hüseynovla Amin Seydiyevin hesabında 29 qarşılaşma var. ülvi İsgəndərovla Tellur Mütəllimov akademiyanın əsas komandadakı ən yaxşı bombardirləridir. Onlar hərəyə 5 dəfə fərqlənib. Akademiyanın yetirmələri ümumilikdə 545 matçda 22 qol vurub.
 
Xatırladaq ki, akademiyanın bəzi yetirmələri "Qəbələ"nin əsas komandasında debüt etməsə də, digər klublarda oynamaq imkanı qazanıb.
 
1. Elvin Camalov – 141
2. Qismət Alıyev – 80 (1)
3. Roman Hüseynov – 39 (2) 
4. Amin Seydiyev – 39 (1)
5. Tellur Mütəllimov – 30 (5)
6. Bəhlul Mustafazadə - 29 (1)
7. Sadiq Quliyev – 27
8. Rövlan Muradov – 23 (4)
9. ülvi İsgəndərov – 22 (5)
10. Müşfiq Teymurov – 21 (1)
11. Yusif Nəbiyev – 21
12. Tarzin Cahangirov – 20
13. Murad Musayev – 18
14. Amil Yunanov – 7 (1)
15. Ehtiram Şahverdiyev – 7
16. Kamal Mirzəyev – 5
17. Hacıağa Hacılı – 4 (1)
18. İdris İnqilablı – 4
19. Faiq Hacıyev – 4
20. Fərid Nəbiyev – 2
21. Elnur Mustafazadэ – 1
22. Samir Qurbanov – 1

XƏBƏRİ PAYLAŞ
  • gplus
  • pinterest