Futbol üzrə Rusiya Premyer Liqasında 7-ci turun oyunları keçirilib.
Matc.az xəbər verir ki, azərbaycanlı futbolçu Azər Əliyevin formasını geyindiyi "Ufa" da növbəti oyununa çıxıb.
Sözügedən komanda səfərdə "Tambov"la qarşılaşıb. Başqırdıstan təmsilçisi bu oyundan məğlubiyyətlə ayrılıb - 0:2.
Azər də bu görüşün iştirakçısı olub. O, start heyətdə meydana çıxıb və sonadək mübarizə aparıb. Əliyev 40-cı dəqiqədə sarı vərəqə ilə də cəzalanıb.
"Ufa" 7 oyuna topladığı 5 xalla 16 kollektiv arasında 13-cü pillədə qərarlaşıb.