"Mkitaryan əsl ermənidir. Narazılıq, şikayət etmək onların peşəsidir. Onların naləsini futbolda, siyasətdə, döyüş meydanında hər yerdə eşidirik"

"Sabah" klubunun və Azərbaycan millisinin hücumçusu Ramil Şeydayev Henrik Mkitaryanın Qarabağda baş verənlərlə bağlı fikirlərinə münasibət bildirib. Matc.az Rusiya mətbuatına istinadən xəbər verir ki, yığmamızın üzvü şikayət etməyin ermənilərin peşəsi olduğunu bildirib:

"Mkitaryan əsl ermənidir. Narazılıq, şikayət etmək onların peşəsidir. Onların naləsini futbolda, siyasətdə, döyüş meydanında hər yerdə eşidirik. Ola bilsin o, məndən güclü futbolçudur. Ancaq ermənilər haqda ən yaxşı sözü böyük rusiyalı yazıçı Aleksandr Puşkin deyib: "Sən qorxaqsan! Sən köləsən! Sən Ermənisən!".

Xatırladaq ki, Mkitaryan daha öncə bütün dünyanı qondarma respublikada yaşananlara biganə qalmamağa çağırmışdı.