2019-cu il mayın 29-da Bakı Olimpiya Stadionunda keçiriləcək UEFA Avropa Liqasının final oyununa hazırlıq kampaniyası çərçivəsində növbəti imza gününün qonaqları bəlli oldu. Matç.az-ın AFFA-nın rəsmi saytına istinadən məlumatına görə, sabah millimizin və "Qəbələ"nin müdafiəçisi Təmkin Xəlilzadənin imza günü təşkil olunacaq.

Tədbir saat 19:00-da "Avropa Liqası muzeyi"ndə keçiriləcək. Dekabrın 27-də isə saat 19:00-da isə yığmamızın və "Qarabağ"ın hücumçusu Mahir Mədətovun muzeydə imza günü keçiriləcək. Muzey ziyarətçiləri imza günündə futbolçularımızla yaxından tanış ola, ondan imza ala, eləcə də foto çəkdirə biləcəklər.

Qeyd edək ki, 2017-ci il sentyabrın 20-də UEFA İcraiyyə Komitəsi tərəfindən 2019-cu ildə futbol üzrə UEFA Avropa Liqasının final oyununun Bakı Olimpiya Stadionunda (BOS) keçirilməsi haqqında qərar qəbul edilib.