11 Fevral 2021, 15:46

Türkiyənin "Sivasspor" klubu müdafiəçisi Marselo Qoyano ilə yollarını ayırıb.
 
Matc.az xəbər verir ki, bu barədə Super Liqa təmsilçisinin rəsmi saytı məlumat yayıb.
 
33 yaşlı futbolçu ilə müqaviləyə qarşılıqlı razılıq əsasında xitam verilib. Braziliyalı müdafiəçiyə xidmətlərinə görə təşəkkürünü bildirən Sivas klubu, ona uğurlar arzulayıb.
 
Qeyd edək ki, Qoyano 2019-cu ildən "Sivasspor"un uğurları üçün çalışırdı. O, ötən ayın sonlarında ağır zədə almışdı. Super Liqa klubu onun əməliyyat olunacağını və azı 6 ay yaşıl meydanlardan kənarda qalacağını açıqlamışdı.

XƏBƏRİ PAYLAŞ
  • gplus
  • pinterest