17 Mart 2021, 17:23

"Qəbələ" Azərbaycan Premyer Liqasında milli komandaların oyunları ilə əlaqədar yaranan fasilə dövründə hazırlığa martın 18-də start verəcək.
 
Matc.az xəbər verir ki, bu barədə klubun rəsmi saytı məlumat yayıb.
 
20-ci turun "Zirə" ilə görüşündən (1:1) sonra üç günlük istirahəti başa vuran "qırmızı-qaralar" məşqlərə sabah başlayacaq.
 
Komanda fasilə dövründə iki yoxlama oyununda qüvvəsini sınayacaq. Elmar Baxşıyevin baş məşqçisi olduğu kollektiv martın 25-də "Zirə" ilə üz-üzə gələcək. "Qəbələ" ikinci sınaq matçını 4 gün sonra keçirəcək. "Qırmızı-qaralar" Azərbaycanın 21 yaşadək futbolçulardan ibarət yığması ilə qarşılaşacaq. U-21-lə görüş "Dalğa Arena"da baş tutacaq.
 
Xatırladaq ki, "Qəbələ" Premyer Liqada növbəti oyununu aprelin 4-də səfərdə "Sabah"a qarşı keçirəcək.

XƏBƏRİ PAYLAŞ
  • gplus
  • pinterest