"Ancaq Portuqaliya ilə matçdakı kimi nizam-intizamlı müdafiə olunmaq. Çox qaçmaq lazımdır və bütün zonaları bağlamalıdırlar. Fərdi səhvlər olmadan bunu etsələr, nəticə gələ bilər"
"Neftçi"nin sabiq serbiyalı futbolçusu və məşqçisi Vladimir Miçoviç Dç-2022-nin seçmə mərhələsinin III turunda baş tutacaq Azərbaycan – Serbiya görüşünü dəyərləndirib. Matc.az xəbər verir ki, Miçoviç serblərin qalib gələcəyini düşündüyünü bildirib.
– Azərbaycanın Portuqaliyaya 0:1 hesabı ilə uduzması birmənalı qarşılanmadı. Sizcə, yığmamız necə oynadı?
– Matçı izlədim. Görünən o idi ki, Azərbaycan az qol buraxmaq üçün müdafiədə oynayır. Bu da nizam-intizam hesabına alındı. Portuqaliyanın kəsərli hücumları az idi. Düzdü, topla daha çox oynasalar da, kəsərli hücumların sayı çox deyildi.
– Azərbaycan millisi Serbiyaya da qarşı bu cür oynamalıdır?
– Bu gün çətin qarşılaşma olacaq. Serbiya hazırda çox yaxşı vəziyyətdə və yüksək əhval-ruhiyyədədir. Bu da onlarda özlərindən əminlik yaradıb. Düşünürəm ki, Serbiya keyfiyyət hesabına Azərbaycana qalib gələcək.
– Azərbaycan yığmasının oyununu necə dəyərləndirirsiniz?
– Sakit olmayacaqlar və aqressiv oynayacaqlarını düşünürəm. Yığmanız meydanda çox qaçır və müdafiədə oynamağı bacarır. Buna görə Serbiyanı çətinlik gözləyəcək.
– Azərbaycan çempionatında oynayanda bizim millini izləmisiniz. Hazırki yığmamızla həmin yığma arasında fərq görürsünüz?
– O vaxt yaş baxımından təcrübəli futbolçular oynayırdı. İndi meydanda olanların əksəriyyəti gəncdir. Buna görə fikirləşirəm ki, yığmaya ən azı 2-3 il zaman lazımdır. Bundan sonra daha yaxşı komanda görə bilərsiniz.
– ölkə çempionatını izləyirsiz?
– Əlbəttə. "Neftçi" çempionluğa oynayır və bu, məni çox sevindirir. Onlara sona qədər azarkeşlik edəcəm. Hazırda Azərbaycan çempionatının səviyyəsi əvvəlki illərdən çox aşağıdır. O zaman 4-5 komanda çempionluq üçün sona qədər yarışırdı.
– Millimizdə diqqət çəkən hansısa futbolçu gördünüzmü?
– Əksəriyyət gənc oyunçulardır və təcrübəlilərdən kimsə yoxdur. Fikirləşirəm ki, hamısı eyni səviyyədədirlər.
– Yığmamızın baş məşqçisi Canni de Byaziyə hansı məsləhəti verərdiniz?
– Ancaq Portuqaliya ilə matçdakı kimi nizam-intizamlı müdafiə olunmaq. çox qaçmaq lazımdır və bütün zonaları bağlamalıdırlar. Fərdi səhvlər olmadan bunu etsələr, nəticə gələ bilər. futbolinfo.az
XƏBƏRİ PAYLAŞ
Xəbərlər
PSJ səfərdə, “Borussiya” evdə revanş
Azərbaycan millisinə toplanış üçün 20
“Yuventus” türkiyəli futbolçu ilə bağlı
Azərbaycan millisi Gürcüstanla üz-üzə
9 ildən sonra ayrılır
Xavi: Üç ay əvvəl vəziyyət
Luis Enrike: Səhər 6-da oyananlar
“Qarabağ”ın Lunyov problemi
“Yuventus”un transferdən 8 milyonluq qazancı
Palmer “Çelsi”nin tarixinə düşdü
AFFA I Liqa matçı ilə
