07 May 2021, 10:51

5 il əvvəl - 2014/2015 mövsümündə də "Qarabağ"ın Avropa Liqasının qrup mərhələsindəki rəqibi Ukrayna "Dnepr"i turnirin finalına yüksəlib. Səfərdə rəqibini 1:0 hesabı ilə məğlub etmiş...

"Qarabağ" komandasının avrokubokların qrup mərhələsindəki rəqibləri son 7 mövsümdən 5-də turnirlərin finallarına vəsiqə qazanıb. Matc.az xəbər verir ki, ardıcıl 4 mövsümdür Ağdam təmsilçisi ilə eyni qrupda yer almış klublar belə bir nailiyyətə imza atırlar.
 
Son olaraq ölkə çempionunun Avropa Liqasının I qrupundakı rəqibi İspaniyanın "Vilyarreal" komandası finala adlayıb. Unay Emerinin baş məşqçi olduğu kollektiv yarımfinalda İngiltərə "Arsenal"ını mübarizədən kənarlaşdırıb - 2:1; 0:0. "Qarabağ" "sarı sualtı qayıqlar"la qrupdakı ilk matçında 1:3 hesabı ilə uduzub. İspaniyadakı görüş isə Azərbaycan təmsilçisində koronavirusa kütləvi yoluxma və zədələr səbəbindən ləğv edilib və komandaya texniki məğlubiyyət verilib.
 
2019/2020 mövsümündə "köhlən atlar"ın Avropa Liqasının A qrupundakı rəqibi İspaniya "Sevilya"sı həlledici görüşdə iştirak hüququna yiyələnib. Xulen Lopeteginin baş məşqçi olduğu kollektiv yarımfinalda İngiltərə "Mançester Yunayted"ini mübarizədən kənarlaşdırıb - 2:1. Azərbaycan çempionu qrupdakı hər iki matçda rəqibinə məğlub olmuşdu - 0:2, 0:3.
 
2018/2019 mövsümündə də "Qarabağ"ın Avropa Liqasının qrup mərhələsindəki rəqibi İngiltərə "Arsenal"ı finalda oynayıb. London klubu Bakı Olimpiya Stadionundakı qarşılaşmada şəhərin digər təmsilçisi "çelsi"yə 1:4 hesabı ilə uduzub. Qurban Qurbanovun baş məşqçi olduğu komanda Bakıda rəqibinə 0:3, Londonda isə 0:1 hesabı ilə yenillmişdu (report).
 
2017/2018 mövsümündə isə "Qarabağ" UEFA çempionlar Liqasının qrup mərhələsində oynayıb. İngiltərənin "çelsi", İtaliyanın "Roma" və İspaniyanın "Atletiko" klubları ilə birgə mübarizə aparmış ölkə çempionu qrup mərhələsini 2 xalla sonuncu pillədə başa vurub. Bakıda "Atletiko" ilə qolsuz heç-heçə edən Ağdam təmsilçisi Madriddə 1:1-lik bərabərliyə nail olub. Bu nəticələrdən sonra İspaniya klubu mübarizəyə Avropa Liqasında davam edib və finala yüksəlib. Baş məşqçi Dieqo Simeonenin komandası finalda Fransa "Marsel"ini 3:0 hesabı ilə üstələyib.
 
5 il əvvəl - 2014/2015 mövsümündə də "Qarabağ"ın Avropa Liqasının qrup mərhələsindəki rəqibi Ukrayna "Dnepr"i turnirin finalına yüksəlib. Səfərdə rəqibini 1:0 hesabı ilə məğlub etmiş Ağdam komandası Bakıda eyni uğuru təkrarlaya bilməyib və meydanı məğlub tərk edib - 1:2. "Dnepr" isə finalda "Sevilya" ilə bacarmayıb - 2:3.

XƏBƏRİ PAYLAŞ
  • gplus
  • pinterest