Futbol üzrə Azərbaycan milli komandasının hücumçusu Əli Qurbani sabah Belarus yığmasına qarşı keçirəcəkləri oyundan öncə fikirlərini bölüşüb.
Futbol üzrə Azərbaycan milli komandasının hücumçusu Əli Qurbani sabah Belarus yığmasına qarşı keçirəcəkləri oyundan öncə fikirlərini bölüşüb. Matc.az xəbər verir ki, "Sumqayıt"ın futbolçusu AFFA-nın rəsmi saytına açıqlamasında bunları söyləyib:
"Belarus millisi yaxşı komandadır. Türkiyə ilə oyunda uduzsaq da, yaxşı oynadığımızı düşünürəm. Fərqlənmək üçün şanslarımız oldu, sadəcə, son anda dəqiq ola bilmədik. Bu cür davam etsək, yaxşı nəticələr əldə edəcəyimizi düşünürəm.
Hazırda Belarus çempionatı davam edir. Bu amil onlar üçün üstünlük ola bilər. Amma biz də mövsüm ərzində 4 gündən bir futbol oynamışıq. Hazır formada olduğumuzu düşünürəm. Hər hansı yorğunluqdan söhbət gedə bilməz. Yaxşı nəticə əldə etmək üçün bacarığımızı ortaya qoymalıyıq. Xüsusən, güclü komandalarla – Portuqaliya, Serbiya, Türkiyə ilə oyunlarda nəyə qadir olduğumuzu nümayiş etdirmişik. Yaratdığımız fürsətləri dəyərləndirə bilsək, komandanın özünəinamı artacaq".
Qeyd edək ki, iyunun 2-də Minskdəki "Dinamo" stadionunda keçiriləcək Belarus - Azərbaycan oyununa Bakı vaxtı ilə saat 20:00-da start veriləcək.
XƏBƏRİ PAYLAŞ
Xəbərlər
“Top-5” liqaların ikinci bombardiri
“Zirə” kuboku qazansa…
Premyer Liqa tarixinin qol rekordu
“Yurqorden”in baş məşqçisi Musa Qurbanlıdan
Azərbaycan kubokunun yarımfinal oyunları keçiriləcək
Finalda təkrarlanan 6-cı cüt
“Qarabağ” “Neftçi”nin rekordunu təkrarladı
Azərbaycan Kuboku tarixinin ən məhsuldar
Musa Qurbanlı: Kiməsə hörmətsizlik etməmişəm
PSJ-dən Fransa rekordu
“Böyük dəyişiklik etmək fikrində deyilik“
