Futbol üzrə Portuqaliya yığmasının sabiq müdafiəçisi Vitorino Antuneş karyerasını Azərbaycanda davam etdirə bilər. Matc.az xəbər verir ki, 34 yaşlı futbolçunun ölkəmizdən dəvət aldığı bildirilir.
 
Lakin sol cinah müdafiəçisi ilə hansı klubumuzun maraqlandığı açıqlanmır. Antuneşi Bolqarıstanın "Ludoqorets" və Birləşmiş Ərəb Əmirliklərinin adı açıqlanmayan bir klubu da istəyir. Təcrübəli futbolçunun sonda necə seçim edəcəyi bilinmir.
 
Qeyd edək ki, Antuneş son olaraq Portuqaliyanın "Sportinq" komandasında forma geyinib. O, karyerası ərzində "Xetafe", "Dinamo" (Kiyev), "Malaqa", "Pasuş de Ferreyra", "Panionios", "Livorno", "Leyksoeş", "Leççe", "Roma" kimi klubların uğurları üçün çalışıb. Portuqaliya yığmasında 13 oyun keçirən müdafiəçi, 1 qola da imza atıb.

XƏBƏRİ PAYLAŞ
  • gplus
  • pinterest