Tokio-2020-də futbol yarışları davam edir. Matc.az xəbər verir ki, bu gün kişi futbolçuların mübarizəsinə yekun vurulub. A qrupunda Yaponiya Fransanı 4:0 hesabı ilə darmadağın edib. Meksika isə qrupun autsayderi CAR-ın qapısından üç cavabsız qol keçirib. Qrupu ilk iki sırada tamamlayan Yaponiya və Meksika mərhələ adlayıblar.
B qrupunda Rumıniya - Yeni Zelandiya matçında qapılara qol vurulmayıb. Cənubi Koreya isə Hondurasın qapısına 6 dəfə yol tapıb. Lider Cənubi Koreya və ikinci Yeni Zelandiya 1/4 finala yüksəliblər.
C qrupunda Misir Avstraliyaya qalib gəlib - 2:0. İspaniya - Argentina görüşündə isə qalib müəyyənləşməyib. Tərəflər hərəyə bir dəfə fərqləniblər. İspaniya lider, Misir isə qrup ikincisi kimi mərhələ adlayıb.
D qrupunda Braziliya Səudiyyə Ərəbistanını 3:1 hesabı ilə məğlub edib. Almaniya - Kot-d'İvuar görüşü bərabərliklə yekunlaşıb - 1:1. Nəticədə Braziliya və Kot-d'İvuar adlarını "son səkkizliy"ə yazdırıblar, Almaniya isə qrupda qalıb.
A qrupu
Fransa - Yaponiya - 0:4
Qollar: Kubo (27), Sakai (34), Miyösi (70), Mazda (90+1)
Qırmızı vərəqə: Kolo-Muani (74)
CAR - Meksika - 0:3
Qollar: Veqa (18), Romo (45), Martin (60)
Qırmızı vərəqələr: Malepe (58) - Rodriqes (66)
Turnir cədvəli: 1. Yaponiya (9), 2. Meksika (6), 3. Fransa (3), 4. CAR (0).
B qrupu
Rumıniya - Yeni Zelandiya - 0:0
Cənubi Koreya - Honduras - 6:0
Qollar: Hvan Ui-Jo (12-penalti; 45+5, 52-penalti), Von Du çje (19-penalti), Kim Jin-Ya (64), Li Kanq-İn (82)
Turnir cədvəli: 1. Cənubi Koreya (6), 2. Yeni Zelandiya (4), 3. Rumıniya (4), 4. Honduras (3).
C qrupu
Avstraliya - Misir - 0:2
Qollar: Rayan (44), Həmdi (85)
İspaniya - Argentina - 1:1
Qollar: Merino (66) - Belmonte (87)
Turnir cədvəli: 1. İspaniya (5), 2. Misir (4), 3. Argentina (4), 4. Avstraliya (3).
D qrupu
Almaniya - Kot-d'İvuar - 1:1
Qollar: Löven (73) - Henriks (67-öz qapısına)
Səudiyyə Ərəbistanı - Braziliya - 1:3
Qollar: Əl-Amri (27) - Kunya (14), Rişarlison (76; 90+3)
Turnir cədvəli: 1. Braziliya (7), 2. Kot-d'İvuar (5), 3. Almaniya (4), 4. Səudiyyə Ərəbistanı (0).
1/4 final cütləri:
Yaponiya - Yeni Zelandiya
İspaniya - Kot-d'İvuar
Cənubi Koreya - Meksika
Braziliya - Misir
Sözügedən mərhələyə 31 iyulda start veriləcək.